I-Arhente yoKhuseleko lwezeNtlalo yoMzantsi Afrika (SASSA) inike ingxelo yokwanda kwezicelo zenkxaso-mali yoNcedo lweNtlalo kwiNtlupheko (SRD), nangaphezulu kwamanani onyaka-mali odlulileyo.Isibonelelo se-SRD yintlawulo yenyanga engama-R370 ejoliswe ukunceda abemi boMzantsi Afrika abajongene nobunzima bemali.
NgoFebruary, iNkundla ePhakamileyo yaseRhawutini yagweba ngokuchasene neminye yemithetho nemimiselo ethintela abantu abangaphezu kwezigidi ezisibhozo abafumana i-SRD ukuba bafumane izibonelelo zabo.
Ngethuba ebambe indibano nesebe lophuhliso loluntu eGauteng ngoLwesine, umanejala jikelele wezibonelelo kwaSASSA, uGodfrey Mohlamonyane, udize ukuba iphondo lase Rhawutini likwindawo yesibini kuzwelonke malunga nezicelo eziphunyeziweyo zesi sibonelelo.
UMohlamonyane wongeze ngelithi ezinye izicelo zisalindele ukuvunywa logama ezinye ziye zacinywa ngenxa yezizathu ezahlukeneyo, ezinye eziquka ukufumana ingqesho.
Uthe, nangona kunjalo, iqumrhu belizamana nomcelimngeni omkhulu wokuqinisekisa ukuba ngoobani kanye abaxhamli begranti ukuqinisekisa ukuba iimali zifikelela kwabo bafanele ukuxhamla.
