Umbutho we-EFF ukhuphe iR100,000 kwisikolo sikarhulumente saseRhawutini, iLufhereng Secondary School eSoweto, njengenxalenye yephulo lombutho elithi umntana esikolweni elijolise ekuxhaseni izikolo ezisweleyo.

Isikolo iLufhereng Secondary School, nangona sisebenza ngaphandle kwamagumbi okufundela angoomahamba-nendlwana ngenxa yokungabikho kwesakhiwo esisisigxina, siphumelele ngo-100% ngo-2024.

Usihlalo weEFF eRhawutini, uNkululeko Dunga, uthe olu ncedo lwenziwe kutyelelo lokongamela olukhokelwa yinkokeli yombutho uJulius Malema kule veki. “I-EFF yaseRhawutini izakuqhubeka nokuthethelela ukusonjululwa kwemiba yenkqubo kwicandelo lezemfundo,” utshilo.

“Ngokusebenzisa abameli bakarhulumente, lo mbutho usazimisele ekuqinisekiseni ukuba bonke abafundi bayafikelela kwimfundo esemgangathweni, imigaqo-nkqubo yokwamkelwa kwabafundi ezikolweni inobulungisa kwaye akukho mntwana ushiyekayo.”